اگر کوئی بیمار ہو جائے تو ماسک باقی لوگوں کو (جو بیمار نہیں ہیں) انفیکشن سے بچاتے ہیں۔
کورونا وائرس کی کچھ خصوصیات
- کورونا وائرس بہت چھوٹا ،گول اور کانٹے دار ہوتا ہے۔
- یہ دراصل جراثیم (مائیکروب) سے بھی چھوٹا ہوتا ہے اور اس کو خوردبین کے بنا فقط آنکھ سے نہیں دیکھا جا سکتا!
- کورونا وائرس کی شناخت کے لئےسب سے قابل اعتماد ٹیسٹ خلق انفی (نیذوفرینجیل) کے نمونے سے کیا جاتا ہے، جس کے لیے سائنس دان سالماتی (مالیکیولر) طریقے استعمال کرتے ہیں جو کہ خصوصی لیب میں مکمل کیا جاتے ہیں۔
- ہمارا جسم لاکھوں کی تعداد میں انتہائی چھوٹے خلیوں سے بنا ہے۔ کورونا وائرس خود سے زندہ نہیں رہ سکتا اس لیے اس کو کسی دوسرے جاندار کے خلیوں کی ضرورت ہوتی ہے۔ تو یہ ہمارے خلیوں کے اندر چلا جاتا ہے۔ جب ایسا ہوتا ہے تو ہمیں انفیکشن ہو جاتی ہے ۔ یہ سب سے پہلے ہمارے نظام تنفس (ناک اور پھیپھڑوں) کے خلیوں پر حملہ کرتا ہے۔
- پھر وہاں سے وائرس کی افزائش ہوتی ہے ۔
- بہت سے لوگ اس وائرس سے اس لیے بیمار ہو جاتے ہیں کیوں کہ یہ نیا ہے اور ہمارا جسم اس سے ناآشنا ہے۔
- یہ سردیوں اور گرمیوں کے موسم میں پھیل سکتا ہے،اس سلسلے میں مکمل تحقیقات نہیں ہوئیں کہ درجہ حرارت کورونا وائرس کو اثرانداز کرتا ہے یا نہیں ۔
کووڈ-19 کی ابتداء کیسے ہوئی؟
کچھ بیماریوں کی ابتداء جانوروں سے ہوتی ہے اور پھر انسانوں کو منتقل ہو جاتی ہیں۔ اس طرح کی بیماریوں کو حیوان آوردہ امراض (زونوسیس) کہتے ہیں۔
گائے، چمگادڑ اور اونٹ کچھ ایسے جانور ہیں جن سے ماضی میں انسانوں کو بیماریاں منتقل ہو چکی ہیں۔
کووڈ-19 بھی حیوان آوردہ مرض (زونوسیس) ہے جو کہ دسمبر 2019 میں چین کے ایک شہر ووہان میں نمودار ہوا۔
سائنسدانوں کے مطابق اس بیماری کی ابتدا ووہان شہر کے ایک بازار سے ہوئی جہاں زندہ جانور فروخت کیے جاتے تھے۔
کووڈ-19 کیسے پھیلتا ہے؟
کووڈ-19 ایک انسان سے دوسرے انسان کو چھوٹے قطرات کے ذریعے سے منتقل ہوتا ہے جب کوئی چھینکتا، کھانستا، بولتا، گاتا یا زور سے سانس لیتا ہے۔
لوگ اس بیماری سے متاثر ہو سکتے ہیں اگر وہ دروازوں کے دستگیروں یا کسی ایسی سطح کو چھوئیں جوکہ وائرس سے آلودہ ہو اوراس کے بعد وہ بغیر ہاتھ دھوئے آنکھوں، ناک یا منہ کو ہاتھ لگا لیں۔
ہمیں ابھی تک یہ معلوم نہیں ہو سکا ہے کہ کیا انسان یہ وائرس جانوروں کو بھی منتقل کر سکتا ہے (مثلا کتوں یا بلیوں کو)۔
مشتبہ یا تصدیق شدہ افراد کو جانوروں، بشمول پالتو جانور، کے قریب جانے سے گریز کرنا چاہیے۔
کورونا وائرس سے جنگ!
یہ وائرس ہم پر کس طرح حملہ آور ہوتا ہے؟ یہ اپنے کانٹے انسانی خلیے پر چسپ کر لیتا ہے اور پھر یہ خلیے میں داخل ہو کر اپنی افزائشِ کرتا ہے۔ اس کے نتیجے میں خلیے تباہ ہو جاتے ہیں اور ہم بیمار ہو جاتے ہیں۔
ہمارے جسم کی قوت مدافعت انفیکشن پھیلانے والے جراثیم سے ہماری حفاظت کرتی ہے۔ ہمارا جسم وائرس کے حملہ کا جواب ’دافع اجسام’ (اینٹی باڈیز) سے کرتا ہے۔
دوسرے الفاظ میں ہمارا جسم قوت مدافعت پیدا کرتا ہے۔
ہم اپنے آپ کو کورونا وائرس سے کیسے بچا سکتے ہیں؟
کووڈ-19 سے بچاؤ کے لیے روزمرہ کی بہترین تدابیر مندرجہ ذیل ہیں:
ماسک ہمیں اس متعدی مرض (انفیکشن) سے بچانے میں مدد کرتے ہیں۔
ہمیں ماسک پہننے چاہئیں! ماسک ہمیں محفوظ رکھتے ہیں۔ ہمیں ان سے پریشان ہونے کی ضرورت نہیں۔
ہمیں ٹھیک طریقے سے ماسک پہننا چاہیے۔
ہمیں لوگوں سے مناسب فاصلہ رکھنا چاہیے۔
ہمیں لوگوں سے ہاتھ نہیں ملانا چاہیے۔
جب ہم چھینکیں یا کھانسیں تو ہمیں اپنی ناک اور منہ کو کہنی، رومال یا ٹیشو پیپر کی مدد سے ڈھانپنا چاہیے۔ ٹیشو پیپرکو استعمال کے بعد تلف کر دیں۔
ہمیں اپنے چہرے، خصوصاً آنکھوں، ناک اور منہ کو چھونے سے گریز کرنا چاہیے۔
ہم کورونا وائرس سے اپنے آپ کو کیسے بچا سکتے ہیں؟
دوسرے لوگوں سے فاصلہ رکھیں!
بہتر ہے کہ کم از کم 2 - 1.6 میٹر کا فاصلہ رکھیں۔
ہم کورونا وائرس سے اپنے آپ کو کیسے بچا سکتے ہیں؟
ہمیں کم از کم 20 سیکنڈ تک صابن اور پانی سے اپنے ہاتھ اچھے طریقے سے دھونے چاہئیں تاکہ وائرس سے چھٹکارا حاصل کر سکیں ۔
ہمیں اتنی دیر تک ہاتھوں کو دھونا چاہئے جتنی دیر تک کہ ہم دو بار سالگرہ مبارک کا گانا نہ گا لیں۔
غذا اورکرونا وائرس:
ہم کیا جانتے ہیں؟
کھانے یا کھانے کی پیکنگ (جس میں جمی ہوئی اشیاء شامل ہیں) سے بیمار ہونے کا خطرہ بہت کم ہے۔
کھانے یا کھانے کی پیکنگ کے کووڈ-19 سے منسلک ہونے کے کوئی شواہد موجود نہیں ہیں۔
اگر کسی پیکنگ کی سطح پر وائرس موجود ہے تو اس کو چھونے والے شخص کا بیماری سے متاثر ہونا ممکن ہے۔ لیکن یہ وائرس کے پھیلاؤ کی بنیادی وجہ نہیں سمجھی جاتی۔
ہم کیا کرنا چاہئے؟
ہمیں خریداری یا کھانے کی پیکنگ کو ہاتھ لگانے کے بعد اور کھانا کھانے سے پہلے احتیاط سے ہاتھ دھونے چاہئے۔
یاد رکھیں!
اپنے جسم اور غذا کا خاص خیال رکھیں۔ اچھی غذا وائرس سے لڑنے میں مدد کرتی ہے۔
ہمیں اپنے چہرے پر ماسک ٹھیک طریقے سے کیسے پہننا چاہیے؟
- ماسک اپنی ناک، منہ اور ٹھوڑی پر پہنیں۔
- ماسک کو سر یا کانوں کے پیچھے باندھیں۔ کوشش کریں کہ ماسک آرام دہ طریقے سے پہنیں۔
- ماسک پہننے کے بعد اسکی سطح کو نہ چھوئیں۔
- اگر آپ غلطی سے ماسک کو ہاتھ لگا لیں تو اپنے ہاتھ دھو لیں یا جراثیم ربائی (سینیٹائز) کر لیں۔
- استعمال شدہ ماسک کسی بھی بند ہونے والے لفافے میں ڈالیں تاکہ بعد میں اسے تلف کیا جا سکے۔
- ماسک کو تسمے کھول کر یا کانوں کے پیچھے سے ہٹا کر اس طرح اتاریں کہ اس کی سامنے والی سطح یا اپنے منہ کو چھونا نہ پڑے۔
- پانچ سال سے کم عمر کے بچوں کو ماسک پہننے کی ضرورت نہیں ہے۔
ٹھیک ہے
ٹھیک ہے
غلط
کووڈ-19 کی کیا علامات ہیں؟
کووڈ-19 کے اثرات 2-14 روز بعد ظاہر ہوتے ہیں۔
بخار، کپکپی طاری ہونا
سانس کی تنگی
سر درد
بو یا ذائقہ کی حس میں کمی
کھانسی آنا
تھکاوٹ، جسم میں درد
گلے کی تکلیف، ناک کا بھرا رہنا
متلی، قے، دست (غیر معمولی اثرات)
کچھ افراد میں بیماری کے اثرات ظاہر نہیں ہوتے۔انہیں اسمپٹومیٹک کہا جاتا ہے۔کبھی زیادہ سنگین علامات پیدا ہوسکتی ہیں اور مدافعتی نظام غیر منظم ہو جاتا ہے۔ اس صورت میں مریض کا علاج ہسپتال میں ہونا چاہیے ۔
بیماری
اگر ہم کووڈ-19 سے بیمار ہو جائیں تو کیا ہو گا؟
اگر آپ میں کووڈ-19 کی تشخیص ہو جائے تو گھر رہیں۔ لوگوں اور اپنے پالتو جانور سے دور رہیں۔
خصوصاً اپنے بزرگوں سے میل جول سے گریز کریں کیونکہ ضعیف لوگوں کو کووڈ سے کافی زیادہ خطرہ لاحق ہے۔
ہمیشہ اپنے ڈاکٹر سے رجوع کریں۔
کیا مجھے پریشان ہونا چاہیے؟
آپ فکرمند، دباؤ کا شکار، پریشان، اداس، بیزار، تنہا اور مایوس ہونا محسوس کر سکتے ہیں۔
وہ کام کریں جس سے آپ کو خوشی محسوس ہو۔
کسی ماہر سے مدد لیں۔
گرآپ یونان میں ہیں تو آپ مندرجہ ذیل ہیلپ لائن پر کال کر سکتے ہیں: 10306
یہ بات یاد رہے کہ اس کوشش میں ہم سب ساتھ ہیں لیکن ۔۔۔۔۔ مناسب فاصلے سے!
اچھا تو۔۔۔ لاک ڈاون کیا ہے؟
جب ہم وائرس کے پھیلنے کے خطرے سے دوچار ہوں تو لاک ڈاون ہمیں گھر رہنے پر مجبور کرتا ہے۔
آپ لاک ڈاون میں کیا کر سکتے ہیں؟
- وہ کام کریں جس سے آپ کو خوشی محسوس ہو۔
- آپ کے والدین معمول سے زیادہ پریشان ہو سکتے ہیں خاص طور پر اگر وہ گھر سے کام کر رہے ہوں یا انکو تنہائی کی ضرورت ہو۔ انکی مدد کرنے کی کوشش کریں۔
- آپ مفت تعلیمی و تدریسی ویب سائٹس تک رسائی حاصل کر سکتے ہیں۔
- کتاب پڑھیں، کھیلیں یا ورزش کریں۔
یہ تبدیلی ہمیشہ کے لیے نہیں ہے بلکہ صرف وائرس کے پھیلاؤ کی روک تھام کے لیے ہے۔
ہمیں وائرس کے بارے میں معلومات کہاں سے حاصل کرنی چاہئے؟
آپ غلط خبروں کا سلسلہ توڑنے میں مدد کر سکتے ہیں!
جب تک معلومات براہ راست کسی سرکاری ذریعے سے نہ آئے، اس پر یقین نہ کریں ۔
- اچھے طریقے سے تحقیق کرلیں کہ واقعی آپ کے پاس اصل معلومات آئی ہے یا نہیں ۔
- خیال رکھیں – غلط خبریں اکثر آپ کووہ معلومات دیں گی جوکہ آپ سننا چاہتے ہیں۔
- ارد گرد دیکھیں – کیا ویب سائٹ قابل اعتماد ہے؟
- ذرائع کی تحقیق کریں – کیا کوئی اور خبر کا ذریعہ اس چیز کی رپورٹنگ کر رہا ہے؟
- تاریخ چیک کریں – مضمون کی اشاعت کی تاریخ چیک کریں اور تحقیق کریں کہ کیا یہ خبر تازہ ہے یا پرانی۔۔
- ماہرین سے رجوع کریں – مستند ویب سائٹس پر جائیں، جیسے کہ عالمی ادارہ صحت، آپ کے ملک کا ادارہ قومی صحت اور یورپی کمیشن۔ کیا یہ معلومات وہاں بھی موجود ہیں؟
کبھی بھی غیر مستند ذرائع ، یا انٹرنیٹ سے لوگوں کی غلط خبروں پر اعتماد نہ کریں۔
کسی سازش یا افواہ پر بھروسہ نہ کریں!
اچھی خبر!
دوائیں اور ویکسین!
سائنس دان اس بیماری کو بہتر طور پر سمجھنے ، لوگوں کو بیمار ہونے سے روکنے اور ان کو صحت یاب کرنے کے لئے کوشش کر رہے ہیں۔
دنیا بھر میں درجنوں دوائیں اور ویکسین بنائی جاری ہیں۔
سائنسدانوں نے کووڈ۔19 کو روکنے کے لئے ویکسین بھی تیار کر لی ہے.
ویکسین کیا ہے؟
ویکسین ایک یا ایک سے زیادہ کمزور، مردہ یا "صاف شدہ" وائرس یا بیکٹیریا کے حصوں کی ملاوٹ سے تیارہوتی ہے۔ ویکسین ہمارے مدافعتی نظام کو ان وائرس یا بیکٹیریا کے خلاف دفاع میں مدد دیتی ہے، جن سامنا کا ہم مستقبل میں کر سکتے ہیں۔ ویکسین بیماری سے بچنے کے لیے تیار کی گئی ہے، نہ کہ بیماری کےعلاج کے لیے ۔
معاشرے کے فائدے لئے سائنس: اس وقت چند ٹیکے دستیاب ہیں۔
اس وقت دنیا بھر میں حفاظتی ٹیکے لگائے جا رہے ہیں اور صحت کی دیکھ بھال کرنےوالے کارکنان، کمزور اشخاص اور بڑی عمر کے لوگوں کو ترجیح دی جا رہی ہے۔
کورونا وائرس سے لڑیں۔
کورونا وائرس سے اپنے دوستوں Mercy اور Unicef کی مدد سے لڑیں۔
اب ہم کورونا وائرس کے بارے میں مزید معلومات حاصل کر چکے ہیں۔
آئیں کورونا وائرس کو شکست دیں!
EOSCsecretariat.eu has received funding from the European Union's Horizon Programme call H2020-INFRAEOSC-2018-4, grant Agreement number 831644
© A.E.P.S.COV. With prejudice to any right.